Diff. Cafe (已結業)

疫情下都好耐冇外出食飯，去開荃灣做嘢，就去我一向都好鍾意幫襯嘅cafe食個Lunch啦。由於係cafe嘅green Monday，所以唔會有餐湯供應，而係沙律。沙律菜新鮮，份量都唔少，配上芝麻醬，都唔錯。主菜叫咗個煙三文魚配露荀南瓜燉飯，飯份量頗多，上面有幾片煙三文魚。我自己喜歡將煙三文魚整碎撈埋啲飯嚟食。飯有彈性，唔會太淋或者過硬，南瓜味濃，但又唔會好重口味。加埋鹼嘅煙三文魚係剛剛好。燉飯入面蘆筍都唔少，為個飯增加唔少口感。飲品方面都係叫杯espresso，上面層咖啡嘅油脂都好香，飲入口都好飲。整體嚟講係好食嘅一餐。