煎餅廚房

營業中

休息中

煎餅廚房-遲來的北京風味早係兩年前剛開業既時候已經好想去食，但因為動輒都要等上兩三個鐘，所以就放棄咗，熱潮過後，我終於有機會品嘗佢地既食物。店舖面積唔大，不設堂食，前面收錢，後面煮食，可以清楚睇到廚師製作過程，由於當時冇其他客人，所以落咗order大約等3分鐘就有得食。🐻北京烤鴨煎餅 $36 +  薄脆$3份量比想像中大份，外皮用上蛋醬，再加上黑白芝麻，入口幾煙韌，重點佢地既煎餅比一般既少油，感覺較健康。煎餅裡面同樣足料，烤鴨絲、京蔥絲、青瓜片，仲有加$3既薄脆，落order既時候可以同廚師講要多醬，加咗薄脆口感真係豐富好多，食一件足以飽肚。