K-POT 部隊鍋 (已結業)

本來諗住用85折入黎食，所以周圍行下到9點半先入黎食，黎到先知原來要10點半入座先有85折😑我地2個人，揀左178/1人果個餐，甜品同沙律都係任食，火鍋材料就同牛涮鍋差唔多，但隻韓國腸仔真係有驚喜，脆皮薄，而且啲肉汁咬落果下真係會噴出黎。乳酪雪糕就有好多配料可以加。講到服務就真係唔錯，我地一坐底就上左好多款肉類，我地知係無限refill嘅，咁本來限時90分鐘任食，我地食左1個鍾時就想refill多次，但雞肉就等左好多都未有，我地就問佢地啦，因為差唔多夠鍾，點知佢地答會俾我地，叫我地慢慢食，坐多陣都得，最後佢地當然有俾雞肉我地，而我地都慢慢食，食埋雪糕同甜品，食左2個幾鍾先埋單，全程係無人崔我地，真係咁大個女都未試過咁悠閒食任食😂