影片
更多
2020-06-16
105 瀏覽
有時想食壽司但係又唔敢食太多魚生，可以選擇過嚟呢度，食佢哋又靚又精緻又好味嘅壽司卷。呢度嘅卷物選擇非常多，今次就揀咗我最愛嘅蜘蛛卷。所謂嘅蜘蛛其實係炸軟殼蟹，配埋青瓜，牛油果同蟹柳，味道清新，仲有不同嘅口感。加埋類似鰻魚醬嘅燒汁，真係次次黎都必點。另外呢一款忘不了您，只係簡單用咗三種材料芒果，炸牛肉，同芝士，香甜既芒果，鹹鹹脆脆嘅炸牛肉，軟綿綿嘅芝士，配合面頭嘅Wasabi同千島醬，成個層次更加提升。呢度除咗卷物之外其實仲有其他日式食物選擇，今次就要咗一款豬頸肉串燒。一串燒得好嘅串燒真係唔簡單，要做到有燒烤嘅香又唔會焦，要識落夠味又唔會太鹹，仲要保持有肉汁唔乾，而呢度嘅師傅正正全部都做到。特別欣賞佢個醃醬，調味真係非常好。下次要約多啲朋友叫多幾款唔同嘅食物！
呢度嘅卷物選擇非常多，今次就揀咗我最愛嘅蜘蛛卷。所謂嘅蜘蛛其實係炸軟殼蟹，配埋青瓜，牛油果同蟹柳，味道清新，仲有不同嘅口感。加埋類似鰻魚醬嘅燒汁，真係次次黎都必點。
另外呢一款忘不了您，只係簡單用咗三種材料芒果，炸牛肉，同芝士，香甜既芒果，鹹鹹脆脆嘅炸牛肉，軟綿綿嘅芝士，配合面頭嘅Wasabi同千島醬，成個層次更加提升。
呢度除咗卷物之外其實仲有其他日式食物選擇，今次就要咗一款豬頸肉串燒。一串燒得好嘅串燒真係唔簡單，要做到有燒烤嘅香又唔會焦，要識落夠味又唔會太鹹，仲要保持有肉汁唔乾，而呢度嘅師傅正正全部都做到。特別欣賞佢個醃醬，調味真係非常好。
下次要約多啲朋友叫多幾款唔同嘅食物！
張貼
