水門泰式海南雞飯專門店 (已結業)

呢間水門泰式海南雞飯成日都大排長龍，次次想食但望住條隊都只能放棄。。。難得今次行過見到只有幾個人等緊，當然唔可以放過呢個機會啦除左雞其實仲有牛同豬，買既時候見到店員係廚房切緊佢地個安格斯燒牛肉都好吸引，但由於唔係太餓，所以就只係叫左佢地既無骨海南雞飯（$45）。等左五分鐘左右個飯就得啦，同其他分店唔同，呢個只有外賣，個飯用個幾實淨既盒裝住而醬汁就另上，拎到返屋企所有野都好完整，唔會話好麻煩，幾細心。雞既份量有六七舊，肉質好嫩滑而且因為無骨食得好爽，點埋佢個辣辣地既醬就更加開胃惹味。值得一讚既係盒醬入到好滿，唔使就住就住點。個油飯亦到夠香夠味又唔會太咸，整體而言係一個唔錯既外賣選擇。