嚐越 (已結業)

其實呢餐都係好耐之前既事，我記得間野都係遠離地鐵站果邊。就試下呢度既下午茶，我叫左個生熟牛肉湯河同牛油雞翼。生熟牛肉湯河個色水都幾好睇，好明顯牛肉有生有熟既。而牛肉都算幾淋既，但肉味就唔多夠啦。而個湯底都唔差既，個湯好清又甜甜地。加小小魚露都幾好食既。但我覺得最好食既湯河都係荃灣既金滿都，哈哈。牛油雞翼由於係即炸既關係，所以最遲先上。雞翼好夠熱，但我覺得雞翼鹹左小小。而且個味濃左，不過，個雞翼都幾多件，但下次個味唔使太濃架。凍奶茶普通既港式味道，但都唔算特別好飲。呢間野下午茶都唔算多人，個感覺好靜。呢間野五點到六點會休息既，但食緊野既客人係唔會特別趕走佢地既。