尚鮮日式燒肉漁市場 (已易手) 新餐廳

係香港想食日本A4,A5和牛價錢通常都吾平。早排經朋友介紹話依度有任食和牛放題,而且價錢合理,一於同牛魔王男朋友一試。一坐低店員率先送上一個和牛拼盤,可以試晒A4同A5和牛嘅所有部位,再按照自己喜好無限再encore。店員仲會送上海鮮拼盤,有甲羅燒,帆立貝,鮑魚,大蝦同青口。店員仲會好貼心咁過嚟幫手燒,不過海鮮拼盤嘅海鮮就唔係任食。但係即開即燒嘅生蠔就可以無限encore。除咗日本和牛之外,仲有唔同部位同味道嘅燒肉,個人比較推薦岩鹽口味嘅燒肉。話明係放題,當然唔少得刺身,壽司,各款小食同炸物。刺身新鮮而且幾厚身,炸物亦新鮮熱辣辣,我最愛嘅炸物就係香芋丸,香脆煙靭嘅嘢外皮包着棉密嘅香芋蓉。最後買單嗰陣時店員仲會送上Movenpick雪糕作為甜品。