影片
更多
2022-02-10
35 瀏覽
新年假期，想搵個就腳地方同親朋好友食餐好，最終決定係瓊華入面既馬祖涮涮鍋食飯。抵達後，職員安排入座後，隨即附上湯底供揀選，我地一致揀台灣沙茶雞涮涮鍋，主要考慮到牛肉陣間都可以任叫，倒不如試試其他。趁職員準備期間，可以出去外面調配好心水的醬料，炸蒜同蒜蓉都好香。過一陣，職員奉上湯底，協助開爐，並將Shakeshake黃金地瓜條上枱。地瓜條較市面的薯條粗身，咬落好甜，配埋海苔味的調味粉非常好食，可惜呢個小食無得Encore。火鍋配料陸續送到，篇幅所限，我寫下值得瘋狂追加的配料啦。個湯底既沙茶味好濃郁，雞肉選用啖啖肉既雞脾位，可以輕鬆地大啖咬。美國安格斯牛肉：打邊爐梗係狂食牛肉，呢款牛肉油脂分佈均勻，再次落單的質素亦同樣高質，唔會偷雞！無激素豬肉片 ：豬肉片色澤粉嫩，配合埋沙茶醬湯底非常入味。手工韭菜餃：內餡非常足料，皮薄餡靚。蟹棒：好長好吸睛，幾特別。響鈴卷、炸魚皮：打邊爐必食之選，輕輕一淥就可放入口，方便快捷，仲好脆！除咗配料無限追加外，飲品亦一樣可以任飲。一場黎到，唔會飲平時飲到既紙包飲品，推薦自家製手工茶，唔會太甜，又做到消濟既效果。愛文芒果茉莉花茶：芒果味同茉莉花茶味好夾，香甜但唔
新年假期，想搵個就腳地方同親朋好友食餐好，最終決定係瓊華入面既馬祖涮涮鍋食飯。
抵達後，職員安排入座後，隨即附上湯底供揀選，我地一致揀台灣沙茶雞涮涮鍋，主要考慮到牛肉陣間都可以任叫，倒不如試試其他。
趁職員準備期間，可以出去外面調配好心水的醬料，炸蒜同蒜蓉都好香。
過一陣，職員奉上湯底，協助開爐，並將Shakeshake黃金地瓜條上枱。地瓜條較市面的薯條粗身，咬落好甜，配埋海苔味的調味粉非常好食，可惜呢個小食無得Encore。
火鍋配料陸續送到，篇幅所限，我寫下值得瘋狂追加的配料啦。
個湯底既沙茶味好濃郁，雞肉選用啖啖肉既雞脾位，可以輕鬆地大啖咬。
美國安格斯牛肉：打邊爐梗係狂食牛肉，呢款牛肉油脂分佈均勻，再次落單的質素亦同樣高質，唔會偷雞！
無激素豬肉片 ：豬肉片色澤粉嫩，配合埋沙茶醬湯底非常入味。
手工韭菜餃：內餡非常足料，皮薄餡靚。
蟹棒：好長好吸睛，幾特別。
響鈴卷、炸魚皮：打邊爐必食之選，輕輕一淥就可放入口，方便快捷，仲好脆！
除咗配料無限追加外，飲品亦一樣可以任飲。一場黎到，唔會飲平時飲到既紙包飲品，推薦自家製手工茶，唔會太甜，又做到消濟既效果。
愛文芒果茉莉花茶：芒果味同茉莉花茶味好夾，香甜但唔會重甜，味道幾特別。
冷泡桂花烏龍茶：烏龍茶味唔算太濃，但係有桂花香味，味道甜潤甘美。
人頭計的MOVENPICK雪糕，印象中呢款係新味，食到好滿足。最後想講一講，可能係衛生原因，餐廳點餐係用QR Code，職員送餐速度非常快，份量亦適量。餐廳安排用餐距離亦適合，可以放心同朋友傾計。
張貼
