影片
更多
2022-12-15
37 瀏覽
近排嘅天氣真係凍返好多，係時候約朋友出嚟烚下烚下！今次我哋就揀咗尖沙咀嘉芙中心 1/F 呢間「二鍋頭」。餐廳最近推出左個全港首創限定羊腩煲放題優惠，逢星期日至四惠顧指定套餐，即可以$68 優惠價，加配羊腩煲兼無限時任食火鍋放題，而且仲可以食埋其他 3 種口味嘅雞煲、鴛鴦鴨煲同豬手煲，超值！揀左個嚴選安格斯牛套餐 ($258)，先嚐雞煲，選了微辣，上桌後店員會幫手將雞件炒勻至入味，食落肉質好滑溜，肉嫩鮮甜，而且醬汁嘅味道非常濃香，但又唔會太麻太辣，令人食慾大增。羊腩煲接著送上，羊肉大大件，肉質嫰滑有彈性，夠入味又唔會過腍，入口羶味不重，加上索味嘅枝竹、爽脆嘅馬蹄同厚肉嘅冬菇，份量十足，蘸腐乳來吃，滋味滿分！食完兩個煲，係時候打邊爐，揀左個香茜皮蛋鍋，芫茜驅寒解表，皮蛋清熱下火，滾起後香味樸鼻。火鍋料方面，除左四款牛之外，仲有西班牙豬梅肉、羊卷肉、鵝腸、花枝片、白鱔片、帆立貝、海蝦同活海蜆等，全部都可以任點任食。牛板腱油花密佈，肉質細嫩，食落好有咬口，油潤又不失嚼勁。封門柳肉質鬆軟，入口肉味好香濃，就算淥耐左都唔容易變韌。另外美國牛胸腹同本地牛肉，水準亦唔錯，前者肥而不膩、帶牛脂甘香；而後
近排嘅天氣真係凍返好多，係時候約朋友出嚟烚下烚下！今次我哋就揀咗尖沙咀嘉芙中心 1/F 呢間「二鍋頭」。
餐廳最近推出左個全港首創限定羊腩煲放題優惠，逢星期日至四惠顧指定套餐，即可以$68 優惠價，加配羊腩煲兼無限時任食火鍋放題，而且仲可以食埋其他 3 種口味嘅雞煲、鴛鴦鴨煲同豬手煲，超值！
揀左個嚴選安格斯牛套餐 ($258)，先嚐雞煲，選了微辣，上桌後店員會幫手將雞件炒勻至入味，食落肉質好滑溜，肉嫩鮮甜，而且醬汁嘅味道非常濃香，但又唔會太麻太辣，令人食慾大增。
羊腩煲接著送上，羊肉大大件，肉質嫰滑有彈性，夠入味又唔會過腍，入口羶味不重，加上索味嘅枝竹、爽脆嘅馬蹄同厚肉嘅冬菇，份量十足，蘸腐乳來吃，滋味滿分！
食完兩個煲，係時候打邊爐，揀左個香茜皮蛋鍋，芫茜驅寒解表，皮蛋清熱下火，滾起後香味樸鼻。
火鍋料方面，除左四款牛之外，仲有西班牙豬梅肉、羊卷肉、鵝腸、花枝片、白鱔片、帆立貝、海蝦同活海蜆等，全部都可以任點任食。
牛板腱油花密佈，肉質細嫩，食落好有咬口，油潤又不失嚼勁。封門柳肉質鬆軟，入口肉味好香濃，就算淥耐左都唔容易變韌。
另外美國牛胸腹同本地牛肉，水準亦唔錯，前者肥而不膩、帶牛脂甘香；而後者亦軟滑有牛味。
至於各式丸類、餃子、菜蔬、飲品同雪糕、雪條等，就全部都放晒喺外面嘅自助區。打完邊爐再食番杯冰凍嘅雪糕，清爽又解膩！
張貼
