蚊蚊豬老火鍋

營業中

休息中

朋友睇到太子一間火鍋放題好吸引，預訂有蒸氣海鮮送，即刻應承由朋友訂座。除了火鍋更有四川烤魚、雞煲、日式刺身、安格斯牛肉、火鍋配料及小食全部任點任食，最最最重要：👍‼️下午5：30食到凌晨12：30無限時任飲任食‼️👍店員先送上蒸海鮮盆，有膏蟹、鮑魚、鮮蝦、花甲、生蠔，店員會幫助計時永無過熟，店員還提醒等候時間可先點刺身小食相當細心，海鮮都好新鮮鮮甜，生蠔超巨型超正，海鮮配蒜蓉的確好夾。點了多種刺身，玻璃蝦爽脆，三文魚厚切而且油分充足，赤貝都好鮮甜。藥膳雞鍋有多種藥材及鮮雞藥材味濃，食落感覺滋潤。安格斯牛肉，點了極品安格斯牛拼盤有齊牛肩肉、封門柳、牛板腱、牛舌心，各種牛肉都高質，牛舌爽彈、封門柳肉味最濃，牛板用比較腍滑，不斷加單食唔停，仲有牛柳粒要留意火侯，金錢肚、黑毛肚、牛黃喉、牛膀及牛筋，對於牛魔王嘅我真係好滿足。火鍋配料，各式丸類，豆製品，餃類，豬類，雞類，魚類應有盡有，仲有新鮮蔬菜。火鍋店所有材料都很好，如果同一般火鍋放題比就出色太多了，而且係無限時，食飽仲可以慢慢坐傾吓飲吓，朋友聚餐無得頂。