味火鍋 (華僑商業中心)

💡 無限時火鍋仼食經常同朋友聚會食放題、邊爐，都限時90分鐘、2個鐘，食到趕頭趕命，今次旺角依間火鍋放題，食材新鮮，鍾意坐到幾耐都得，性價比高，係同同朋友Re-u聚會嘅好選擇。🍽️火鍋任食四部曲🍴頭盤頭盤有得揀半隻芝士焗波士頓龍蝦、三文魚柳、雞煲同埋酸菜魚，四選一。波士頓龍蝦都夠大隻，驚喜地仲有好多膏，新鮮、啖啖肉，芝士味濃得黎又唔會冚咗龍蝦味。🍴自選湯底湯底一共有10個選擇，有d鴛鴦湯底仲唔使加錢。我哋選擇咗四川麻辣鴨血鍋同埋大排檔豬骨鍋，湯底都非常足料。🍴海鮮拼盤+牛肉拼盤第三部就係兩款拼盤，海鮮拼盤有多款新鮮時令海鮮，例如蟶子皇、蝦、鮑魚、廣島蠔，等，特別推介自家製手打墨魚丸，非常彈牙。牛肉拼盤就有四個不同部位嘅美國安格斯牛肉，特別鍾意牛小排，夠大塊又唔會太肥。🍴火鍋配料食晒仲有好多款火鍋配料仼食，例如鴨血、鮮蝦水餃、麻吉燒、肥牛、魚皮等，整體食物質素都好唔錯。🍽️飲品類餐廳嘅飲品非常有誠意，同一般嘅放題、火鍋任食唔同，佢哋提供多款迷你版嘅支裝汽水，特別夠氣；仲有椰青水、有氣果醋等依d平時好少見嘅選擇。Ps/ like 餐廳嘅fb/ig 仲有Mövenpick 雪糕送