牛舞日本燒肉‧涮涮鍋放題 (利舞臺廣場)

營業中

休息中

我地試左三款之中最高級既日本薩摩和牛放題!全部放題都首先送上和牛壽喜燒體驗 店員會係面前現煮和牛 加入醬油 再蘸蛋汁食 和牛嫩滑肥美 入口即溶 感動🥹店員會再加入和牛 野菜 湯汁 煮成壽喜燒鍋~進入燒肉環節 坐底送上既薩摩和牛拼盤 包括多款和牛部位 有特上西冷 肩胛肉 胸腹肉 牛肋肉等等🫶🏻 唔夠可以用QR code追加牛肉仲有和牛粒 壺漬牛肋條 牛舌 內臟等選擇 每款牛都可選擇燒肉汁 鹽味 辣味等調味 其他豚肉 雞肉 小食炸物等等都應有盡有 海鮮類有甲羅燒 虎蝦 帆立貝 蠔 整體都幾高質素😍秋祭限定既日本松葉蟹昆布鍋 松葉蟹腳大隻多肉 湯底清甜 較剪要主動問店員先提供😅而刺身同酒精類都可以追加放題 出面自助吧有冷食 熟食 飲品 甜品 仲有日本雪條 非常滿足😋