影片
更多
2023-01-25
86 瀏覽
呢間餐廳環境光猛企理，仲要好闊落有梳化位，坐得好舒服🛋️！食物方面主打半自助式西餐，有意粉同主食可以揀，低至$298就可以嘆番個靚靚西餐同任食沙律吧🥗！佢主要有兩款價錢：Pasta🍝同Main Course🥩，價錢分別係$298同$328起，有啲菜式可能要加少少錢～但係整體都好高質抵食！------------------------------🐟◖香煎蘇格蘭三文魚柳◗ $328呢款唔使加錢，大大舊三文魚柳配三文魚子同日式高湯忌廉汁。件三文魚好厚肉，煎到外皮脆卜卜，肉質都唔會好乾，但食落就冇咩味～要同啲三文魚子一齊食，會有啲鹹鹹香香，幾提鮮幾好食～🐂◖美國特級威靈頓牛柳◗ $498呢款要$328加$170 就可以嘆到比較少見嘅威靈頓牛，一定要試吓佢！威靈頓牛整到粉紅色，然後舖咗啲巴馬臣火腿同酥皮一齊拎去焗，出到嚟效果好食又靚！酥皮切落去好鬆脆，然後食到少少巴馬臣火腿嘅甘香，最裏面就係粉紅色嘅牛扒，牛肉偏瘦但肉質又唔會韌，點埋佢自家製嘅黑松露野菌汁，好香味道好夾，口感豐富😌！🍋◖冰檸檬茶◗ 跟餐🍯◖熱柚子蜜◗ 跟餐👩🏻🍳◖自助吧◗ 自助吧有餐湯、沙律、凍海鮮、熱食、甜品同埋水果！佢嘅
佢主要有兩款價錢：Pasta🍝同Main Course🥩，價錢分別係$298同$328起，有啲菜式可能要加少少錢～但係整體都好高質抵食！
------------------------------
🐟◖香煎蘇格蘭三文魚柳◗ $328
呢款唔使加錢，大大舊三文魚柳配三文魚子同日式高湯忌廉汁。件三文魚好厚肉，煎到外皮脆卜卜，肉質都唔會好乾，但食落就冇咩味～要同啲三文魚子一齊食，會有啲鹹鹹香香，幾提鮮幾好食～
🐂◖美國特級威靈頓牛柳◗ $498
呢款要$328加$170 就可以嘆到比較少見嘅威靈頓牛，一定要試吓佢！威靈頓牛整到粉紅色，然後舖咗啲巴馬臣火腿同酥皮一齊拎去焗，出到嚟效果好食又靚！酥皮切落去好鬆脆，然後食到少少巴馬臣火腿嘅甘香，最裏面就係粉紅色嘅牛扒，牛肉偏瘦但肉質又唔會韌，點埋佢自家製嘅黑松露野菌汁，好香味道好夾，口感豐富😌！
🍋◖冰檸檬茶◗ 跟餐
🍯◖熱柚子蜜◗ 跟餐
👩🏻🍳◖自助吧◗
自助吧有餐湯、沙律、凍海鮮、熱食、甜品同埋水果！
佢嘅凍海鮮有青口、海蝦🦐同埋螺🐚，全部都大大隻鮮甜肥美，refill得都密！尤其是佢個海蝦，肉質好彈牙，平時唔食凍蝦嘅都encore咗兩次！
沙律吧有好多唔同款式嘅沙律菜同醬，可以自己配搭，仲有幾款現成嘅沙律，個人幾鍾意佢個紅菜頭沙律，啲紅蘿蔔同紅菜頭幾清甜，又酸酸地咁，好開胃！
甜品就每次都唔同，質素正正常常，嗰日去有雲石芝士蛋糕🍰，味道正常，但咁啱款式比較少呢～
🌟Encore指數：8.5/10
張貼
