蚊蚊豬老火鍋

營業中

休息中

前幾日有個fd同我講太子有間無限時任食題，價錢唔貴好多嘢食叫我試吓，今日同屋企人一齊嚟咗呢間太子「蚊蚊豬老火鍋」，仲要下晝5點半入座可以食到凌晨12點半！大癲！🤣 今次唔洗食到趕頭趕命，慢慢食都得😋。 我哋揀咗個養顏雲南野菌鍋底🍲，一上枱就聞到陣陣菇香，湯底清甜得嚟帶啲藥膳味，飲落去喉嚨好舒服，打邊爐前飲咗兩碗暖下胃，牛肉拼盤嘅牛板腱油花均勻、封門柳肉味濃得嚟夠淋，極上牛肩嫩肉淥10秒就食得，牛舌薄切爽口，我哋encore咗兩轉，牛肉拼盤一定要嗌！刺身方面有5️⃣款三文魚、赤貝、象拔蚌、八爪魚、蝦、墨魚，刺身新鮮唔會食落有腥味，尤其三文魚好肥美整體幾好👍🏻，火鍋料仲有豬肉類、海鮮、雞類、蔬菜類俾你無限添加，連小食都有我最鍾意嘅川汁皮蛋同炸饅頭，真係要帶多個胃先食得晒🤣。另外除咗打邊爐之外，仲有烤魚同雞煲任食，飲品類多款選擇除咗啤酒，仲有茶汽水任拎，最後唔少得仲有雪糕食，成餐飯飽到上心口好滿足😋，食到好夜都冇人趕，性價比好高👍🏻。