影片
更多
2014-08-03
19778 瀏覽
几個女仔打算搞個"閨密"韓燒夜，女神揾左呢間唔限時任食任燒既料理~"漢和"。聽落好似好抵喎 ...平日晚HK$168/位加一, 星期五、六、日、公衆假期及前夕先收多10蚊附加費！其實大家個main point係可以俾"閨密"hea耐d就真！我地預先訂左位, 毌須等候就入座。呢間料理既格局佈置尚算簡單企理，但衞生方面及抽風系統就比較差少少，尤以食物器皿既擺放、賣相等都麻麻，希望食店能夠改善一下！大熱天時，梗係攞飲品先，有酸梅湯及豆漿兩種，個個都揀豆漿來飲，殊不知味道淡如稀奶 啊！唯有加6蚊, 有汽水一支解渴！至於食物方面，有好多唔同種類既嘢食 㗎！，當然平價餐唔可以expect過高，整體味道總算合格，同埋一定夠飽肚呢！燒物類 ：大部份食物以黑椒預先掩製左，所以燒熟後特別香囗！有雞翼, 好惹味。龍脷魚塊，啖啖滑溜魚肉。牛肉卷，肉質結實。豬扒，肉質剛好唔會硬。多春魚，夠香。魷魚最正，夠辣兼彈牙! 牛扒，牛味濃郁。羊扒，羶味少。腸仔、紅腸、芝士腸，味道似BBQ。金菇，好爽口。洋蔥，燒熟後軟腍入味。生菜，吸收左鍋内既油後，特別油潤好吃。熟食類 : 三文魚腩肉，肉質肥厚。南瓜年糕
我地預先訂左位, 毌須等候就入座。呢間料理既格局佈置尚算簡單企理，但衞生方面及抽風系統就比較差少少，尤以食物器皿既擺放、賣相等都麻麻，希望食店能夠改善一下！
大熱天時，梗係攞飲品先，有酸梅湯及豆漿兩種，個個都揀豆漿來飲，殊不知味道淡如稀奶 啊！唯有加6蚊, 有汽水一支解渴！
至於食物方面，有好多唔同種類既嘢食 㗎！，當然平價餐唔可以expect過高，整體味道總算合格，同埋一定夠飽肚呢！
燒物類 ：大部份食物以黑椒預先掩製左，所以燒熟後特別香囗！有雞翼, 好惹味。龍脷魚塊，啖啖滑溜魚肉。牛肉卷，肉質結實。豬扒，肉質剛好唔會硬。多春魚，夠香。魷魚最正，夠辣兼彈牙! 牛扒，牛味濃郁。羊扒，羶味少。腸仔、紅腸、芝士腸，味道似BBQ。金菇，好爽口。洋蔥，燒熟後軟腍入味。生菜，吸收左鍋内既油後，特別油潤好吃。
熟食類 : 三文魚腩肉，肉質肥厚。南瓜年糕，甜度適中，糕身夠軟。煎堆，比較硬實，凍食麻麻。反砂香芋，砂糖較多太甜，芋頭味濃。糯米糍，軟綿味甜。豬大腸豆腐，大腸夠入味，豆腐幼滑。薯仔沙律，夠醒胃。韓式炒粉絲，甜甜地，但好好食！豆沙窩餅，唔過甜, 煎得香脆唔油膩。泡菜煎餅, 似煎薄罉，但比較厚身d，素菜饀料豐富。豬腳薑，豬皮炆得夠腍入味。多春魚，魚肉香滑。炸魚皮，夠卜卜脆。炒飯，比較一般。薯條，唔夠熱。椒鹽蝦，鹹左d。啫喱甜滑。壽司、加州卷、紫菜卷，d飯太腍散。三文魚刺身, 算肥美。
韓式前菜 : 兩款泡菜都夠辣囗又入味。銀魚仔，甜甜地，好啃囗。粟米粒爽甜。紅腰豆，大大粒。青瓜，爽脆。蕃茄仔，新鮮爽口。青菜，清清地爽胃。
甜品 : 豆腐花，熱辣辣，豆腐花超級滑！芒果糕，無咩芒果肉，芒味淡。椰汁糕，完全無椰汁味! 紫糯米糕，又係味道太淡！花生綠豆沙，夠熱, 豆豆有咬感，正！生果 : 西瓜唔夠甜。火龍果，切成一大塊，肉質清甜！
雪糕 : 雲呢拿。朱古力帶粒粒果仁。
人多先會有唔限時既優惠，而是晚食客多，我地亦唔可以久坐，無關係喇，反正大家都夠哂皮 lu...
張貼
