巴巴串 (已結業)

放咗工同同事喺駱駝漆大廈食燒烤放題，餐廳叫做＂巴巴串＂，個名幾得意！呢間燒烤放題係以港式燒烤放題為主嘅，餐廳將食物一城一串串俾客人拎去燒。而且佢哋串燒支簽有個齒輪仔，客人只需要放落個爐，串燒就會不斷自轉，方便到爆，食物燒得好均匀。而且佢哋係無限時放題，唔使驚淨係飲得少冇時間食。一路笑一路食成個過程都好過癮。唔怪之得有咁多人嚟食！有好多唔同款嘅串燒食，🔥燒魚蛋，🔥燒豆卜，🔥燒雞翼，🔥燒腸仔，🔥燒翠玉瓜，🔥燒蝦🦐，牛肉🐂仲有好多好多。除咗串燒之外，熟食都有好多款，四季豆，蓮藕片，茄子🍆，生菜雞腎，扁拍青瓜🥒，糖心蛋，海鮮撻，炸魷魚圈，炸雞軟骨，炸雞🍗飲咗罐青檸飲品，酸酸甜甜，食咗咁多串燒，等佢可以消化下。