影片
更多
2021-10-04
416 瀏覽
市面上以牛作為招來嘅任食火鍋五花八門相信愛食牛嘅你我都一定會食過港九新界都開勻嘅牛大人, 開業咁耐無論質素上菜速度 同貨源供應穩定度嚟講都屬於十分穩定嘅頭幾間。 不過食得多都想去發掘下新嘅地方～喺開飯見到牛之鍋食評唔錯, 似係值得一試 致電查詢之後,因客滿所以最快入座時間為9點餐廳開至12點。9時正入座兩人挑選咗中價豪華套餐20品, 落單方法亦係同普遍火鍋一樣掃QR code 自助下單, 不過一打開目錄, 已經有點小失望 因為好幾款 特別嘅食材已經售罄, 例如安格斯一口牛，鹵牛舌, 唐揚雞etc飲品方面有一兩款韓國梳打特飲 汽水 亦有現時好受大眾歡迎嘅冷泡茶 種類有三款 蜜桃烏龍(架上係 0支）紅莓蘋果茶(架上係8 支）同埋茉莉白毫(架上係1支）三個雪櫃加埋 本來以為稍等一陣就會再補貨 細問之下 原來今日有嘅量已經出曬, 冇曬就真係冇曬唔飲甜野嘅人 就唯有飲水自助凍櫃入邊亦有一啲不同種類嘅丸同埋蔬菜, 每枱一個碗, 可分次再出外取遺憾係第一次出去嘅時候無將櫃內淨下嘅三粒粟米夾起.. 原以為之後會再fill, 之後再出去連個盤都冇埋.. 講返個主角牛肉, 封門柳嘅肉質都確實唔錯 每一盤出
相信愛食牛嘅你我都一定會食過港九新界都開勻嘅牛大人, 開業咁耐無論質素上菜速度 同貨源供應穩定度嚟講都屬於十分穩定嘅頭幾間。 不過食得多都想去發掘下新嘅地方～
喺開飯見到牛之鍋食評唔錯, 似係值得一試 致電查詢之後,因客滿所以最快入座時間為9點餐廳開至12點。
9時正入座
兩人挑選咗中價豪華套餐20品, 落單方法亦係同普遍火鍋一樣掃QR code 自助下單, 不過一打開目錄, 已經有點小失望 因為好幾款 特別嘅食材已經售罄, 例如安格斯一口牛，鹵牛舌, 唐揚雞etc
飲品方面有一兩款韓國梳打特飲 汽水 亦有現時好受大眾歡迎嘅冷泡茶 種類有三款 蜜桃烏龍(架上係 0支）紅莓蘋果茶(架上係8 支）同埋茉莉白毫(架上係1支）三個雪櫃加埋
本來以為稍等一陣就會再補貨 細問之下 原來今日有嘅量已經出曬, 冇曬就真係冇曬
唔飲甜野嘅人 就唯有飲水
自助凍櫃入邊亦有一啲不同種類嘅丸同埋蔬菜, 每枱一個碗, 可分次再出外取
遺憾係第一次出去嘅時候無將櫃內淨下嘅三粒粟米夾起.. 原以為之後會再fill, 之後再出去連個盤都冇埋..
講返個主角牛肉, 封門柳嘅肉質都確實唔錯 每一盤出嘅賣相都保持一樣, 牛肩胛肉就中等不過少少偏韌, 所以其後主要都係focus order封門柳, 出面可以任食封門柳嘅火鍋地方唔多, 算係少有嘅部份👍
不過亦因為咁亦患上咗最common 嘅弊病,
落4次單先會上一次貨仲會打個折。
食開牛大人速度上真係冇得輸, 真係可以話嗌幾多嚟幾多
去到中後段 因為一路冇再出牛肉 所以同咗職員追單 職員回覆下 原來封門柳經已售罄..
其他嘅食物質素唔差, 食材亦都新鮮 睇得出係有用心去挑選食材 尤其是 蜆 鮮甜冇沙, 連沾魚柳, 蝦都係好新鮮
眼見都好多唔同嘅平台有介紹呢一間, 全粉紅色嘅包裝同埋主打食牛任食, 確實一定吸引唔少人。但係長遠要講口碑同質素穩定, 以剛開業嚟計經已做唔到呢個效果。
始終個招牌打正其號"牛" 但係佢唔會滿足到各位牛魔嘅慾望, 喺呢一方面都幾可惜。
隔離枱兩位早半小時入座嘅客人, 尾段都有類似嘅comment "乜都冇, 真係只此一次"
其實呢個應該就係management嘅問題, 以一間營業到十二點嘅餐廳嚟講, 係星期日晚市呢啲日子, 預嘅貨量確實唔足夠, 希望佢哋只係一時失手
總結而言
未來嘅日子我會重投牛大人嘅懷抱
封門柳
2 瀏覽
0 讚好
0 留言
茉莉白毫茶
7 瀏覽
0 讚好
0 留言
藥膳湯底
4 瀏覽
0 讚好
0 留言
9 瀏覽
0 讚好
0 留言
張貼
