影片
更多
2006-03-29
22 瀏覽
12-11-2005 2115食完勝香園後，就入了黃竹坑打番場羽毛球，賽事完畢後，本來過鴨利洲既大牌檔再較量過，可惜朋友唔食得太油及肥的食物，於是轉戰高檔及冇咁油的餐廳，好彩早有準備，唔係真係你望我我望你。由於打完波後唔食得太多野，而兩條友的戰鬥力有限，只係叫了三個菜，我和她都係對食物要高起上來會嚇親人既人，都好滿意今次的一餐。第一道菜係頭盤沙律：地中海希臘沙律(The Mediterranean Greek Salad)，材料包括羊乳酪(Feta)、青瓜(Cucumber)、蕃茄、紅洋葱、橄欖及生菜，還有橄欖油及醋開成的汁伴著食，份量都不少，材料亦都新鮮，更加唔會俾的未解凍的食物，Feta唔算多，但味道幾濃下，係主菜前清下口腔的良品。第二道及第三道都係主菜。首先就係紅酒燴羊膝(Braised Lamb Shank In Red Wine Sauce)，配菜係薯格及白菜仔一條，而汁裡有蒜蓉在內，表面平平無奇的羊膝，唔駛好用力好容易五馬分屍，燴得相當出色，而且還有羊的香味，但冇乜羶味。始終冇的飯或麵唔飽肚，睇見佢Pasta and Rice類別冇乜特別就轉戰pizza，pizza 唔計自
食完勝香園後，就入了黃竹坑打番場羽毛球，賽事完畢後，本來過鴨利洲既大牌檔再較量過，可惜朋友唔食得太油及肥的食物，於是轉戰高檔及冇咁油的餐廳，好彩早有準備，唔係真係你望我我望你。
由於打完波後唔食得太多野，而兩條友的戰鬥力有限，只係叫了三個菜，我和她都係對食物要高起上來會嚇親人既人，都好滿意今次的一餐。
第一道菜係頭盤沙律：地中海希臘沙律(The Mediterranean Greek Salad)，材料包括羊乳酪(Feta)、青瓜(Cucumber)、蕃茄、紅洋葱、橄欖及生菜，還有橄欖油及醋開成的汁伴著食，份量都不少，材料亦都新鮮，更加唔會俾的未解凍的食物，Feta唔算多，但味道幾濃下，係主菜前清下口腔的良品。
第二道及第三道都係主菜。首先就係紅酒燴羊膝(Braised Lamb Shank In Red Wine Sauce)，配菜係薯格及白菜仔一條，而汁裡有蒜蓉在內，表面平平無奇的羊膝，唔駛好用力好容易五馬分屍，燴得相當出色，而且還有羊的香味，但冇乜羶味。
始終冇的飯或麵唔飽肚，睇見佢Pasta and Rice類別冇乜特別就轉戰pizza，pizza 唔計自算材料及半分天下(Half and Half)，都有10款選擇，最最簡單的純味芝士(Margherita)，到平時係pizza hut 或spaghetti house 都有既夏威夷，至雜綿大會(Carnivore) 及漁夫精選(即係海鮮)，種類變異都幾大，當中個人來講比較特別的是莧菜香菜(Spinach Pesto)，主角有莧菜、蕃茄、洋蒽、香草、Feta及Parmesan，亦係唯一一款有兩種芝士在內，批底係正宗及傳統的薄底，兩款芝士撞埋一齊，加上莧菜及香草的香味，顯出純味pizza以外的另一種鄉村風情，與平時我地食既材料有肉的正宗或港式pizza，好唔同，但好好食，喜歡食pizza的人黎到一定要叫。
甜品我地就要了芝士餅，不太好，餅底太鬆散及甜，可以忘記。
兩位侍應雖似係港式扒房做，但有求必應，算是不錯了。而大家傾計傾到落閘先走，要過第2個場繼續。
張貼
