雪日本料理 (已搬遷) 新店位置

19-11-2005 1415約左家姐出黎食飯，我就冇乜頭緒，今次由佢話事，佢就帶我黎呢度食，幸好還未last order。星期六的下午唔選特別熱鬧，差唔多到落場的時間，預左職員開始有點鬆散，不過最緊要有求必應。這裡午巿有定食，或者定食加指定任食壽司/手卷，家姐就叫了三文魚刺身加海膽飯，而我就叫了天婦羅+冷喬麥麵+任食壽司/手卷。前菜都係不外乎沙律、日式甜菜、紫薑、味憎湯，味道都還可，我個前菜還有蒸甜蛋，賣相已經唔得，散到好似倒瀉過咁，味道過甜。主角上場，三文魚切得薄身，海膽亦係非新鮮運來及其他地方來，份量都幾多下，味道還算新鮮，飯係用普通既白米，亦係甜甜地。至於我個餐，天婦羅炸得稍為硬左少少，但油也隔得不錯，喬麥麵有一隻生既鵪鶉蛋可以伴著食，不過的麵就不冷不熱，真係差差差，至於壽師及手卷，我就叫了三文書、吞拿魚同埋生蝦，味道及份量都係好港式既style，或者係價錢既問題。價錢唔係好記得，一日冇改善，一日都唔駛旨意再黎。