影片
更多
2020-12-06
1405 瀏覽
話說哩間貓cafe我一直都支持，除咗佢支持領養不棄養，同相關機構合作，不定時有流浪貓及棄貓寄養係cafe等人領養外，佢食物水準係令我一直支持嘅原因，咁佢地食物水準係去到我帶啲對貓無乜好感嘅朋友去都唔驚俾人鬧嘅，無味精又做得好味直頭俾朋友讚啦。咁佢搬咗當然睇下環境同食物有無變啦，說實話環境的確無舊店咁方便走動，啲位密集咗可以坐多啲客，地台個位會係我最愛，可以自成一角咁揀其中一邊，所以你想坐得private啲就計算一下時間爭位坐啦～食物方面我一向推薦其中有芝土蟹棒玉子燒（嗰日就無叫到）要求唔好全熟嗰種口感soft啲味道好rich，另外煙三文魚牛油果吐司，三文魚同牛油果唔使錢咁，而且佢地好識揀牛油果，次次食都係靚牛油果，另外必食嘅係慢煮磨菇汁牛柳意粉，慢煮啲牛肉質一定ok唔使講，磨菇汁係佢地自己煮意粉又有口感，哩幾樣嘢真係去到未睇餐牌就叫得。不過今次特別講下兩樣甜品，每逢秋冬會有嘅圓肉杞子燉雪梨，我同朋友第一次食，估唔到嗰種甜唔會感覺好混濁，清清甜甜好滋潤嘅感覺，第一次就有咁好嘅感受。另外，佢地終於有返多嗰甜品，而且仲要係蛋糕呀！我嗰日試咗咸蛋芝士蛋糕，唔會過甜又保存到咸香味。佢地嘅蛋糕係無
咁佢搬咗當然睇下環境同食物有無變啦，說實話環境的確無舊店咁方便走動，啲位密集咗可以坐多啲客，地台個位會係我最愛，可以自成一角咁揀其中一邊，所以你想坐得private啲就計算一下時間爭位坐啦～食物方面我一向推薦其中有芝土蟹棒玉子燒（嗰日就無叫到）要求唔好全熟嗰種口感soft啲味道好rich，另外煙三文魚牛油果吐司，三文魚同牛油果唔使錢咁，而且佢地好識揀牛油果，次次食都係靚牛油果，另外必食嘅係慢煮磨菇汁牛柳意粉，慢煮啲牛肉質一定ok唔使講，磨菇汁係佢地自己煮意粉又有口感，哩幾樣嘢真係去到未睇餐牌就叫得。不過今次特別講下兩樣甜品，每逢秋冬會有嘅圓肉杞子燉雪梨，我同朋友第一次食，估唔到嗰種甜唔會感覺好混濁，清清甜甜好滋潤嘅感覺，第一次就有咁好嘅感受。另外，佢地終於有返多嗰甜品，而且仲要係蛋糕呀！我嗰日試咗咸蛋芝士蛋糕，唔會過甜又保存到咸香味。佢地嘅蛋糕係無定款，下次你食唔食到就要睇彩數。另外會叫熱茶嘅朋友，唔添飲要出聲，佢地服好到會auto幫你加水，去個厠所轉頭杯茶又滿過㗎。
最後貼上近期去嘅相，嗰日同朋友帶咗一對twins上去，估唔到平時唔多理我地嘅貓貓會咁welcome BB嘅，可惜BB嘅喜愛都比較暴力，所以嗰日都狼狽在睇實啲BB唔好太接近啲貓，最慘啲貓唔會避佢地仲由佢地，貓貓真係好有愛㗎。
張貼
