牛魔三重盛宴呢個餐有牛舌、牛五花、牛板腱，肉量我覺得係足夠，每種肉都會有三片，肉質素不過不失，望落同食落都係新鮮有牛味，上到枱亦都唔會見到佢雪到硬晒，唔算太薄，燒起上黎都要少少時間先熟，個爐都幾大火，要小心控制火喉，建議教最細火就夠晒。成餐最不得了嘅就係蘭王鵝肝炒飯，舊鵝肝係煎炸過好脆，再配蘭王蛋真係好惹味，雖然係有啲邪惡，不過配埋個柑橘特飲又好似清返少少熱。
和牛自慢系列-豬頸肉套餐見到有和牛真係流晒口水，再豬頸肉送飯真係一流，同樣係每種肉有三片，個餐又有菜又有湯其實清晒成個餐係一定會飽。肉量依舊係不過不失，望落新鮮，食落都有肉味，豬頸肉啲肥膏望落真係好正!
