影片
更多
2016-06-28
571 瀏覽
本來想搵間環境好少少 & 西式餐廳諗住喺男朋友生日當日食個好啲既Lunch，見到佢既最新promotion介紹係Semi-buffet，前菜係自助形式就去左試下，點知原來係錯誤既開始...喺APM隔離既1亞太中心係商業中心，成幢有好多食肆，入面有泊車。行入去先知似細型商場入面既舖位，環境好黑，入面裝修一般，都幾舊，座位係普通既方型木檯櫈，有戶外座位係吸煙區，不過對面高高既石屎牆，坐戶外都係吸返工廠既廢氣。無影低Lunch Menu，有幾個選擇，我地要左Starter + Main + Drink $98，如果唔要Main Course $78，Main再要埋再加甜品$108。前菜3選1，Salad Bar/ Daily Soup/ Crab Cake，今日既餐湯係白蘿蔔忌廉湯......咁特別？😨所以我地叫左一個Salad Bar一個蟹餅。一行出去，先知原來Salad Bar就係門口果5盤野，一盤係長通粉沙律，兩盤生菜，一盤薯仔沙律，一盤青瓜，再加3-4款沙律醬....連粟米、生果、火箭菜都無，當堂好似被人呃左咁，不過生菜都幾新鮮既。但係，個蟹餅就唔多掂，成塊中式煎肉餅咁既樣，賣相真係
喺APM隔離既1亞太中心係商業中心，成幢有好多食肆，入面有泊車。行入去先知似細型商場入面既舖位，環境好黑，入面裝修一般，都幾舊，座位係普通既方型木檯櫈，有戶外座位係吸煙區，不過對面高高既石屎牆，坐戶外都係吸返工廠既廢氣。
無影低Lunch Menu，有幾個選擇，我地要左Starter + Main + Drink $98，如果唔要Main Course $78，Main再要埋再加甜品$108。前菜3選1，Salad Bar/ Daily Soup/ Crab Cake，今日既餐湯係白蘿蔔忌廉湯......咁特別？😨所以我地叫左一個Salad Bar一個蟹餅。一行出去，先知原來Salad Bar就係門口果5盤野，一盤係長通粉沙律，兩盤生菜，一盤薯仔沙律，一盤青瓜，再加3-4款沙律醬....連粟米、生果、火箭菜都無，當堂好似被人呃左咁，不過生菜都幾新鮮既。但係，個蟹餅就唔多掂，成塊中式煎肉餅咁既樣，賣相真係麻麻地，裡面係有蟹肉碎，但係薯蓉仲多，似乎85%都係薯蓉，一叉就散，未遞入口已經跌左...其實係煎薯蓉😓唔知點解要配泰式甜酸醬，Fusion菜？但做得一啲都唔fusion...
Salad Bar & 餐包
15 瀏覽
0 讚好
0 留言
Crab Cake 煎蟹餅
18 瀏覽
0 讚好
0 留言
Crab Cake 煎蟹餅
18 瀏覽
0 讚好
0 留言
好，前菜都未食完就突然上主菜，唯有照擺低。由於咁多個選擇當中大部分都有牛肉，得2個選擇唔係牛，所以我叫左芝士海鮮焗飯，佢食牛柳絲闊條麵，嘩...個飯黎先，一見到就知後悔...賣相同味道根本同茶餐廳一模一樣，茶餐廳蛋炒飯底不過hea炒唔香，飯淋到不得了，海鮮即係魚柳蝦仁墨魚仔魷魚，無落其他底味，淨係食到一陣雪藏味......係啱啱焗起熱辣辣，不過成個飯唔好話香，連味道都無，食左一半已經投降，可以比喻佢係茶餐廳$48既焗飯。相反佢個牛柳絲闊條麵牛柳都有幾多，唔知牛柳好唔好食，不過有醬汁煮都叫有啲味道都ok，可惜闊條麵烚得太淋，比原來烚耐左好多，導致未至於講得上好食。最重要想講佢既餐廳相望落好高級好闊落，但一入到去完全係兩回事，只可以講圖片只供參考...
芝士海鮮焗飯
50 瀏覽
0 讚好
0 留言
匈牙利牛柳絲配闊條麵 & 凍咖啡
20 瀏覽
0 讚好
0 留言
附送的甜品
19 瀏覽
0 讚好
0 留言
最後埋單連加一$240，唔係貴不過買過呢次經驗，汲取教訓唔會返轉頭😓我好少可比劣評，但佢既食物質素只能同茶記或連鎖式快餐店同級。
張貼
