阿元來了 (已搬遷) 新店位置

記得之前無綫有個電視節目推介各區的好玩同好食的地方，果集無曹永廉同姚嘉妮主持，佢地推介左呢間西環正宗的台灣餐廳，果日又行開西環，順道去拜訪一下。去旅行都係去間排長龍實無錯架喇，估唔到呢到排超長人龍，雖然入座有90分鐘限時，但都排左差不多成個鐘先入得。恰巧，我地又係坐係佢地做主持介紹食物果張桌子。店內，連侍應都係台灣人，完全是台灣人的口音。連牆壁上的單張裝飾都係寶島風味，超好笑，有一張寫住「府中偷情小套房，馬上入住，馬上偷情」，其他都似係復古味濃的內容大大隻字寫住魯肉飯就梗係要試下啦！即黎2個魯肉飯！D魯肉半肥瘦，分佈均勻，肉香濃郁，食落不油膩，份量適中順道影了對面搭抬的食物，看似是鹽酥雞我們另外還叫了個剎餅同蠔餅剎餅包住舊肉、少許砂糖、少許芫茜、蔥的夾包，咬落味道甜甜地，因為有不同材料係裡面，質感幾特別蠔餅就偏油膩，撕開時會見到鴨蛋白拖拉住，而蠔油上的橙啡色醬係甜甜地，一點也不辣，好稠身，且食落會有成口張住的感覺另外，去台灣旅行時最感受到當地人的熱情，食飯都笑口常開咁服務你，好有禮貌，而且台灣當地食飯好平。黎到香港，阿元來了依舊價錢親民，服務都熱情有禮。