抹茶館 (荷里活廣場) (已結業)

見佢分店多多，試過甜品，今次就試吓食正餐，基本上抺茶我興趣不大。剛巧見唔洗等位，又見有梳化位咁特別。前菜叫咗個橙味雞肉沙律，感覺都幾清新嘅，雞嫩調味又剛好。再點咗個清酒蜆都幾有酒味，總括兩份前菜價錢分量算合理。但到主菜就有啲失色，最最最普通嘅滑蛋豬扒飯，賣相好似幾好但個蛋汁又乾又唔多，真係完全乾哽，最後都係哽唔落。環境乾淨，清静好坐舒服，又唔怕有人趕你賣單，對成日餐廳迫爆嘅鑽石山嚟講啲確係一好地方，一個好Hea點。