影片
更多
2018-02-14
24 瀏覽
成日聽同事講倫哥火鍋好正 海鮮夠新鮮 火鍋料豐富足料，包保食到飽到行唔郁！今晚我就叫左媽咪同妹妹陪我去食，睇下同事有無誇張先。8點左右去到，全院滿座。雖然已訂位，但都等左10分鐘。一路等一路聞到d雞煲同湯底香辣味，好肚餓。。。一坐低店員就奉上兩碟涼拌小食，我地九秒九清左 哈哈。火鍋店既涼拌或開胃小食多數都係細細碟 有點馬虎，唔期望會好好食，但呢度既涼拌又意外地入味，夠酸夠香辣，讚。熱辣辣佛跳牆到～～個料簡直足料到滿瀉，啖湯梗係又清又鮮甜～最重要係火喉夠，又夠熱！係等緊雞煲既時候，就睇下倫哥教學啦！雞煲到～～～照住倫哥指示，將雞煲每兩分鐘打開蓋炒一炒，重覆四次，即可享用。開始先食沾滿麻辣汁同香料既雞煲，吸哂汁同軟稔稔既紫蔥係我最愛～～雞件細細件，每件都可以沾滿醬汁，實在好好味。食到一半，就可以加入豬皮，魷魚，牛柏葉一齊食。咁樣炒d 豬皮，魷魚，牛柏葉真係好爽口，好有次序既食法！超正！轉左火鍋底後繼續食！！環遊海鮮盤出場～～有 (一次性人頭份量的 沙井蠔，迷你象拔蚌等) 和 (可無限添加的 鴛鴦海蝦，龍躉片，脆鯇魚，魷魚，刀是，鑽石蜆等）整體海鮮都非常新鮮，而且有多款可以添食，實在好抵！！
8點左右去到，全院滿座。雖然已訂位，但都等左10分鐘。一路等一路聞到d雞煲同湯底香辣味，好肚餓。。。
一坐低店員就奉上兩碟涼拌小食，我地九秒九清左 哈哈。火鍋店既涼拌或開胃小食多數都係細細碟 有點馬虎，唔期望會好好食，但呢度既涼拌又意外地入味，夠酸夠香辣，讚。
熱辣辣佛跳牆到～～
個料簡直足料到滿瀉，啖湯梗係又清又鮮甜～最重要係火喉夠，又夠熱！
係等緊雞煲既時候，就睇下倫哥教學啦！
雞煲到～～～
照住倫哥指示，將雞煲每兩分鐘打開蓋炒一炒，重覆四次，即可享用。開始先食沾滿麻辣汁同香料既雞煲，吸哂汁同軟稔稔既紫蔥係我最愛～～雞件細細件，每件都可以沾滿醬汁，實在好好味。
食到一半，就可以加入豬皮，魷魚，牛柏葉一齊食。咁樣炒d 豬皮，魷魚，牛柏葉真係好爽口，好有次序既食法！超正！
轉左火鍋底後繼續食！！
環遊海鮮盤出場～～
有 (一次性人頭份量的 沙井蠔，迷你象拔蚌等) 和 (可無限添加的 鴛鴦海蝦，龍躉片，脆鯇魚，魷魚，刀是，鑽石蜆等）
整體海鮮都非常新鮮，而且有多款可以添食，實在好抵！！
倫嫂手打雙滑～～
果然係自家手打，魚滑又滑又彈牙，正。
無與"倫"比牛頸脊～～
識食牛同愛牛既朋友都一定知牛頸脊既魔力。牛味重，又好香油脂味，咬落口軟綿綿，好有層次既感覺。係我最中意既牛一部分。
當然唔少得雲吞水餃及丸類啦～
而我最欣賞既係佢個白魚旦，非常彈牙兼且無腥味，口感一流，好味！
農曆新年前仲有小驚喜，每人有得抽獎！我地就抽到倫哥靚靚利是封一包！又cute又實用。
一邊食仲可以一邊享用任飲汽水，涼茶，紅茶等飲品。$300有找可以任食海鮮，靚牛肉同其他高質火鍋食材，我覺得超值！！
張貼
