無肉食 (如心廣場二期) (已結業)

對上一次食無肉食已經幾年前，今次在訪質素如一，一樣無肉都咁好食。由入餐廳、付款、取餐、放餐具都好暢順；職員態度友善，即使對外賣價錢唔太了解，但都主動問其他職員一再肯定，再告知客人，讚！食物主要分成三部份，分別炸物區、熟食區、同沙律區。最為出色嘅係炸物，款式頗多，推介嘅有炸雞髀菇同咕嚕肉。咕嚕肉酸酸甜甜，利用椰菜花飯肉，口感不錯。鍾意佢嘅醬汁唔多，仍然保持外脆內熱！沙律區嘅菜好新鮮🥗醃紅菜頭同蘿蔔都令人好開胃，有再添食！看似凍豆腐好簡單，但加上表面嘅脆脆同酸酸美美嘅汁，又係一樣好開胃嘅前菜。極度推介芝士撻，做到撻皮依然鬆脆，芝士濃郁亦有奶味，細細個感覺冇咩負擔😋觀看熱食區，款式大概有10款，大多都係煮家餸但偏油、重口味，所以唔太建議。