影片
更多
2015-08-09
546 瀏覽
尋日天文台先至講過係香港最熱嘅一日有成36 37度，雖然我係做老師，但係食呢一方面我真係冇乜耐性。6點已經嚟到韓國街，但朋友男朋友又放七點半，所以我哋行嚟行去先試探下軍情，睇下每間餐廳嘅餐牌。但點知睇吓睇吓.......啲餐廳門口嘅人龍都越嚟越長，某幾間著名啲嘅餐廳已經打晒蛇餅我哋又已經執輸行頭了。朋友問我想唔想等？我一口拒絕，因為我真係唔想喺酷熱天氣情況嘅底下，企成半個鐘或以上。所以求求求其，貪就手，揀咗一間唔駛等兼且係新張期間有九折優惠嘅南大門。我心諗開起韓國街應該唔會差得去邊，所以一於試吓，加上店員亦都好有禮貌嘅都落力推介，心底裏實在冇推搪嘅理由。店員已經快快手遞上一支冰水，同埋幾碟配菜（有芽菜、泡菜、瓜、菠菜、豆腐、豆等）仲溫馨提示我哋可以將手袋放係嘅圓筒入面，費事整污糟。三人行叫咗三樣嘢食：泡菜豚肉鍋首先我expect嘅豚肉唔係呢啲一嚿嚿肥到漏既五花腩，而係一片片嘅豬肉。個泡菜湯底唔夠味，係喺我哋差唔多食晒啲湯，就嚟乾嘅時候，啲味先至可以話係出啲，咁我覺得係太遲囉。原味炸雞啲一碟韓式原味炸雞，其實佢個漿做得好好，上得好薄，炸得好鬆脆，而且佢個雞肉冇雪味，係原汁原味，但亦都可以
6點已經嚟到韓國街，但朋友男朋友又放七點半，所以我哋行嚟行去先試探下軍情，睇下每間餐廳嘅餐牌。但點知睇吓睇吓.......啲餐廳門口嘅人龍都越嚟越長，某幾間著名啲嘅餐廳已經打晒蛇餅我哋又已經執輸行頭了。朋友問我想唔想等？我一口拒絕，因為我真係唔想喺酷熱天氣情況嘅底下，企成半個鐘或以上。所以求求求其，貪就手，揀咗一間唔駛等兼且係新張期間有九折優惠嘅南大門。
我心諗開起韓國街應該唔會差得去邊，所以一於試吓，加上店員亦都好有禮貌嘅都落力推介，心底裏實在冇推搪嘅理由。
店員已經快快手遞上一支冰水，同埋幾碟配菜（有芽菜、泡菜、瓜、菠菜、豆腐、豆等）仲溫馨提示我哋可以將手袋放係嘅圓筒入面，費事整污糟。
三人行叫咗三樣嘢食：
泡菜豚肉鍋
首先我expect嘅豚肉唔係呢啲一嚿嚿肥到漏既五花腩，而係一片片嘅豬肉。個泡菜湯底唔夠味，係喺我哋差唔多食晒啲湯，就嚟乾嘅時候，啲味先至可以話係出啲，咁我覺得係太遲囉。
原味炸雞
啲一碟韓式原味炸雞，其實佢個漿做得好好，上得好薄，炸得好鬆脆，而且佢個雞肉冇雪味，係原汁原味，但亦都可以同時講話係無任何醃料味，係要點醬先有香口惹味，韓國店員就話佢地鋪頭唔鐘意落咁多MSG,心諗天％既配料都可以整得濃味d遮.....
水冷麵
湯底有多少少淡，但最敗筆係個面質，睇相都知，佢埋左一撮，可能浸個時無攪拌好，所以痴埋一住，而且食落口可以再煙un D，有d稔。
終歸三樣餸我都覺得全部係Underseasoned。呢個可能係因為我唔想係街邊等換來嘅結果其實我覺得多番少少味已經好OK，加埋熱心既店員服務。新開業期內九折，即係免加一，價錢方面都算抵嘅。繼續努力！
張貼