Mamma Mia Gelato (已結業)

成日口痕想食甜野嘅我，一見到呢啲無糖低糖，仲要係Zero Fats嘅雪糕，就完全忍唔住口啦。呢一種Gelato零脂肪又無糖，想食雪糕嘅時候揀佢，食咗都完全唔會覺得有飽飽滯滯，漲住個肚嘅感覺。而且，由於佢嘅甜味純粹係有食材帶嚟，所以特別新鮮，係好真實嘅食物味道。少咗加工嘅成份，呢杯雪糕食得好舒暢。Gelato有分無糖同低糖兩款，無糖嘅主要係一啲簡單嘅生果味道，低糖就有多啲食材複雜啲豐富啲嘅味道揀。單雙三球都可以揀甜筒或者杯裝。如果想買返屋企慢慢食，亦都可以買盒裝、家庭裝。