景村雲南米線 (已結業)

雖然不是常客，但偶然都會幫襯。大約7:00入座，選好食物後，打算等收銀阿姐忙完再請她落單(平日只要安坐於坐位，大聲叫出食物，她就會落單)，我與她互望一眼，她知我要落單，她說:「你講得喇!」於是我說出了要點的食物後，安心玩手機等食喇。過了幾分鐘後，她突然拍我膀頭一下凶惡地說:「你食咩？」我答佢:「叫咗喇!」她說:「無你張單。」我再問她:「真係無我張單？」佢答:「無呀！」阿姐，明明係你漏單，仲惡過個客人，無禮貌地拍人膀頭，服務態度極差，食餐飯都要受氣，以後不會再去幫襯。