LAB10 (已結業)

非常時期，餐廳會為客人量度體溫同噴上消毒酒精先可入餐廳。入面都幾大，可以坐到五六十人，除左長枱仲有圓枱，一班人黎都可以圍埋一齊食。而長枱會有屏風同隔離枱隔一隔，感覺有多少少私人空間。平時燒野食最怕成身味，呢到真係做到無煙燒肉，燒嘅時候已經見到啲煙係個爐位吸走哂。今次揀左任食，只要Like FB就有埋海鮮盤送，咁就可以一次過食到雞豬牛海鮮，每人$248。特別推介韓式梨汁肥牛，快熟又好味，味道好濃好入味，酸酸甜甜。任食中仲有芝士薯條配埋，芝士會放落爐邊燒，燒到溶溶地就可以拎薯條落去點黎食，芝士香味好勁。有七款肉食，有齊哂雞牛豬，特別鍾意當中四款。牛後腹口感比較結實有嚼口，越嚼越香。牛舌厚度岩岩好，口感反而有啲柔軟唔韌。豬頸肉好爽口嫩滑。豬仔骨醃得入味。仲會有柚子汁沙律同兩杯梳打飲品，青檸味特別好飲，仲會食到磨到一小粒粒嘅青檸皮。