影片
更多
2018-09-25
58 瀏覽
朗豪坊呢間新嘅韓國餐廳，裝修簡潔、樓底高，環境舒服。而且枱同枱中間有塊板隔住，即使同唔識嘅人坐得近，都唔會尷尷尬尬［香蔥薄切牛舌，$125］香蔥個蔥原來係洋蔥個蔥。牛舌切得好薄，所以好難反、燒得有啲唔方便，到最後會變咗香蔥炒牛舌... 不過佢牛味都幾濃，唔介意難燒嘅話其實呢個都係一個唔錯嘅選擇［韓式牛肋骨，$238］平時食嘅牛肋骨都係一大條，要自己剪開。今次呢個就已經切開一件件，燒起上嚟同食起上嚟都非常方便。脂肪分佈好靚，牛味同油脂香並重［韓式豬皮，$88］豬皮喺其他韓燒店好似比較少見兩面燒到起粒粒就食得，表皮脆脆哋，入面就係煙韌嘅。本身已經用咗黃豆粉醃咗，所以食落帶特別嘅香味呀［大帶子，$58］一份兩隻，同埋真係幾大隻！燒完縮完水都有咁大隻，而且食落爽口juicy［泡菜金字塔，$48］同其他韓國餐廳唔同，呢度係冇送前菜嘅，要一set一set咁叫，而每一set有泡菜、辣蘿蔔，同辣青瓜。價錢係有啲貴，不過食一餐韓國菜，冇泡菜又點夠完整？［生菜，$28］雖然$28一份生菜又係比較唔抵，但係食韓燒點少得用生菜包住啲肉？生菜、泡菜、辣椒醬、肉 - 包埋一啖擺落口，好滋味［韓式牛骨湯，$118］
朗豪坊呢間新嘅韓國餐廳，裝修簡潔、樓底高，環境舒服。而且枱同枱中間有塊板隔住，即使同唔識嘅人坐得近，都唔會尷尷尬尬
［香蔥薄切牛舌，$125］香蔥個蔥原來係洋蔥個蔥。牛舌切得好薄，所以好難反、燒得有啲唔方便，到最後會變咗香蔥炒牛舌... 不過佢牛味都幾濃，唔介意難燒嘅話其實呢個都係一個唔錯嘅選擇
［韓式牛肋骨，$238］平時食嘅牛肋骨都係一大條，要自己剪開。今次呢個就已經切開一件件，燒起上嚟同食起上嚟都非常方便。脂肪分佈好靚，牛味同油脂香並重
［韓式豬皮，$88］豬皮喺其他韓燒店好似比較少見
兩面燒到起粒粒就食得，表皮脆脆哋，入面就係煙韌嘅。本身已經用咗黃豆粉醃咗，所以食落帶特別嘅香味呀
［大帶子，$58］一份兩隻，同埋真係幾大隻！
燒完縮完水都有咁大隻，而且食落爽口juicy
［泡菜金字塔，$48］同其他韓國餐廳唔同，呢度係冇送前菜嘅，要一set一set咁叫，而每一set有泡菜、辣蘿蔔，同辣青瓜。價錢係有啲貴，不過食一餐韓國菜，冇泡菜又點夠完整？
［生菜，$28］雖然$28一份生菜又係比較唔抵，但係食韓燒點少得用生菜包住啲肉？
生菜、泡菜、辣椒醬、肉 - 包埋一啖擺落口，好滋味
［韓式牛骨湯，$118］呢個湯用牛肉、牛骨、白蘿蔔熬成，非常鮮甜
而且個牛骨入面仲有大量骨髓，食落甘香
［CoCo，$35］食燒肉，除咗配啤酒之外，清新嘅果汁都係唔錯嘅選擇。呢杯CoCo係用椰青水、青檸、西瓜同蜜糖打成，既解渴又清熱氣
［鵝肝鐵鍋飯，$168］
鐵鍋飯附上一碟醬汁，雖然淋上去嘅時間冇鐵板餐嗰種嗞嗞聲，但香味隨即四散，拌勻之後變得色香味俱全
飯上面嘅兩件鵝肝係出乎意料地大件！食落有濃濃嘅油香但唔會膩同埋值得一提嘅係，我同朋友食完餐飯先諗「咦，個身冇味嘅？」爐邊嘅抽氣做得好好，成間餐廳都冇煙冇味，食完都唔怕個身會臭
張貼
