Cafe Can (已結業)

琴晚食完飯，都成 10點幾，同一班朋友諗住求其搵個地方坐下，隨手就試下呢間 C@N...一上到去，門面好靚，仲諗緊會唔會好貴之際，我 D 朋友就入左去。裡面裝潢都以白色為主，比人有好乾淨o既感覺，而且望落去又唔太逼，座位與座位之間又唔太密，又有梳化，所以都幾舒服...我地因為已經食左飯，上 cafe 只係坐下吹下水，每人只係叫左一杯野飲，好巧合地，我地個個都係叫朱古力，我就試左凍牛奶朱古力，飲落去都幾滑，唔算...個老闆娘幾好人，特登走過o黎拎左 d Games 比我地玩，招呼唔錯，另外見佢對其他客人都好細心，有 service..最重要係間 cafe 完全無煙味，我隔離果檯外國人，一家大細食飯，又有老人家同細路仔，怕煙味就最o岩...可能琴日係平日，所以唔算好多人，我地六個人，玩到成午夜 12 點先肯走，因為大家都感覺好relax 同開心，下次有機會，要再試下佢地 d 野食...