妹豬無激素雞專門店 (已結業)

今日去左觀塘工廈食lunch，呢間妹豬無激素雞專門店主打全部無激素慢煮雞，真係聽到都想試下。同朋友叫左無骨滑雞同奇味口水雞，我地都轉左永樂全蛋伊麵。雞件啖啖肉全部都無骨，又鮮甜又嫩又滑。慢煮又可以保留所有雞既精華同營養。食落啲雞仲好似有一層骨膠原包住。口水雞醬，唔同平時食開，唔會好多辣油，唔算油膩。滑雞配個甜甜既醬汁，朋友話幾鐘意。個全蛋伊麵，好驚喜，蛋香十足又彈牙。原來係由本地幾十年歷史既手工製造，我真係孤陋寡聞。啲雞真心正，呢度仲可以預訂成隻或半隻慢煮雞，下次試埋先。