赤丸製麵所 (已結業)

星期一整完牙後,時已黃昏,悶極無聊,就一支公過海去觀塘apm行下.行左個幾鐘,除左在書店睇左一陣書之外(當中包括前陣子有食友推介的甜品烹飪書),無甚所獲,醒起此處有平平烏冬食,既然有時間,我亦唔介意排隊等位.八點鐘開始排隊,雖然都唔算多人,但座位太少,所以要等成45分鐘先有位坐,睇左陣menu後,決定要個普通size的冷烏冬同天婦羅茄子.冷烏冬先來,份量不太多,不過我唔算好餓,都算夠食,把wasabi同蔥花拌入冷麵汁後,再把烏冬沾上麵汁,'雪雪'聲咁食好過癮,至於烏冬雖然唔係手製,但新鮮造的始終都係彈牙d,比平時超市賣的更有口感,而拌食的麵汁好有鮮味,唔似係平時的醬油,似係木魚湯之類,忍唔住齋飲左幾啖麵汁,總之一句講晒,正!茄子係新鮮炸,外面炸漿稍多,茄子內裡亦多油,不過我鍾意食茄子,都可以接受啦!雖然話呢度d烏冬的確好平亦抵食,但要專程來食就不必了,趕時間的亦不用考慮了.