Tivo (已結業)

朋友在上海剛剛回來，唔想食中餐又想飯餐簡簡單單午飯然後吹下水！於是走去中環雲咸街間TiVo 食個簡單唔錯的午餐。餐廳裝潢平實，有一張大bar枱設在餐廳中央以便提供飲品及安裝了幾𦾟特色大吊燈。餐廳只提供午市套餐，雖然簡單但從來沒有失望過。在中環以一佰多小小食一個午餐、完全可以接受！頭盤沒有選擇餐湯卻選擇了TiVo小食頭盤。頭盤已經有少許沙律菜，意大利火腿及一件意式酥皮南瓜卷。南瓜卷用了Filo 皮去焗、所以外皮又薄，加上南瓜是時令之選，兩者十分融洽。入口時外皮鬆脆又唔油膩加上南瓜甜味、整體感覺特色。主莱點了燒焗三文魚，賣相幾好、三文魚外皮燒得好香脆。魚肉亦焗得好嫩滑多汁、配以薯蓉一起食用、口腔充滿魚油及淡淡牛油混合薯蓉味道。菠菜亦煮得剛剛好、好幼嫩。今日午市人唔多、座得好鬆動、渡過了一個愉快的下午。