Pondside

營業中

休息中

從雜誌得知呢一間餐廳無敵靚湖景，白色屋仔，好友歐洲feel。位置在香港公園內一間小白屋，由金鐘站大約行八8至10分鐘左右。入來全落地玻璃光線射入餐廳，感覺非常好。訂枱時都知道湖景座位全部滿座，我哋唯有坐入去沒有窗的一個房間。呢個位置應該係酒吧區，水吧度在我座位前邊，裝修顏色都好。不過嚟呢度坐唔到湖景卻有點失望。2:30的時候佢哋就話只會提供high tea set, 詢問店員咖啡選擇時，態度不太好，我選的他說全部都要加錢，咁我哋就問佢要加幾多，佢就話要加錢囉⋯⋯講咗一陣仲係答唔到我嘅問題，他仲要擺出一個副不耐煩的樣子😾。跟住我就叫咗個Earl Gray Tea, 佢又係話要加錢，我就再話不如你問吓你經理要加幾多錢，搞咗一輪最後行返我哋個位度講係唔使加錢㗎⋯⋯至於食物方面好一般，不過個茶的茶句有啲搞笑，西式茶放在一個日式焙茶茶壺上😂另外個洗手間門一開就會撞向出餐位置，如果大家同時間一齊出嚟一定撞到。呢個湖景真係冇得頂不過餐廳食物同埋服務就真係有待改善。員工嘅服務質素雖然係個別但係都代表餐廳。