一冰廳

營業中

休息中

一冰廳個舖位前身係另一間高質黃店花果園餐廳，當花果園退場時，我都傷心咗一陣😭，幸好，一冰廳嘅質素都絕對唔差😁。呢度最出名嘅係鮮粟米忌廉湯火腿通粉，據聞湯底係老闆每個朝早用新鮮粟米淆製，試一口，果然名不虛傳：湯底既 creamy，又有濃濃嘅粟米味，鮮甜到不得了😍；另外，早餐個炒蛋又係一絕，又香又滑，上枱時仲有蛋汁流出，好食😋。最後杯檸茶估唔到都有驚喜：檸檬有厚切嘅三大片，一啲都唔孤寒😆，檸檬味仲非常清香，一啲都唔苦澀，確係高汁👍。