Corner Garden Crepes & Drinks

營業中

休息中

無敵性價比長洲班戟✨ 上次因為飽得滯食唔到牛油果班戟所以今次同朋友一定要嚟再戰😏 果然牛油果同沙律醬係好朋友，口味非常夾，聽聞啲醬係佢地自己調配過唔係現成貨，再加上火炙過食落更惹味🤤雪糕口味更加唔洗講啦，觀塘movenpick專門店一球賣四十五蚊，呢度一球movenpick再加埋班戟賣三十五蚊，仲唔係無敵性價比？除咗平時standard口味之外仲有啲限定口味，我哋今次食呢個係冧酒提子，酒味勁香配埋暖暖嘅班戟好正✨傾多幾句老闆仲好好人咁俾款研發中嘅新口味鹹食至戟我地試，就係吞拿魚他他醬，同樣係自己調配過，而且仲響吞拿魚碎入面加咗洋蔥粒令到個口感唔會過膩，好好味囉😌嘢飲方面上次都有講過我橙汁起肉兼用橙冰夠心思，今次是買菠蘿柚子，見到佢係自己整冰菠蘿再切粒，實係不得了，唯一係柚子味比菠蘿蓋過咗咁囉😌