Zeng (已結業)

男朋友係我生日帶左我黎呢間餐廳，上到黎真心好驚喜。180度無敵大海景，仲要有戶外座位，望住個海真係食咩都無所謂。即使唔係坐窗口位，其實餐廳内部裝修都比人一種好舒適既感覺。因爲我生日，所以就豪d叫左個singature seafood collections。6 dishes 但每碟都好足料，食到一半基本上就覺得飽，所以其實係物超所值。當中最驚喜可以話係個caviar，入口香純，帶有少少既鮮味，但唔會覺得好fishy，直到返屋企都仲懷念緊個味道。海鮮拼盤又係一流，好新鮮，而且仲有2款不同既生蠔，滿足你想食曬海水味同creamy既生蠔既欲望。另外個螺又係好驚喜，帶少少wasabi味刺激你既味蕾又唔會好搶。Carbonara味道又係好特別，第一次食到結合日本元素加明太子既意粉，又中西合璧得幾成功。