海岸扒房 (裝修中)

第一次嚟到黃金海岸酒店嘅海岸扒房食，一行十幾個人，食午餐自助餐一去到已經見到滿滿嘅食物放擺放得好靚，而海鮮就放係正中心最養眼位置再行入啲就見到無敵大海景，個日天氣唔錯，而坐嘅位置正正對住個海景，加晒分入面嘅座位唔算好多，所以人數亦唔多，咁仲好，唔會太嘈吵呢間自助餐最吸引應該係海鮮同牛扒，一開始梗係食海鮮啦極度推介佢嘅龍蝦，一隻隻開晒邊，一啖就可以食到，唔洗剝嚟剝去啲龍蝦仲要有好多膏，不過唔係隻隻有，啲膏好鮮味仲有必食嘅長腳蟹腳！佢剪好晒一條條，一拎就食得，仲有切粒嘅長腳蟹，一啖啖，唔覺唔覺就食咗幾盤刺身有馬刀貝、三文魚、甜蝦等等，唔會慳住慳住俾，一大碟拎番去食頭盤有好多款沙律，煙三文魚、parma ham、等等熟食方面有片皮鴨，點心蝦餃、燒羊架、即切牛肉等等，佢嘅片皮鴨唔錯，一食落去啲鴨嘅汁咇出嚟，餘香滿口另一個推介嘅係黑松露忌廉湯，意想不到咁好飲，湯濃得嚟唔會太濟，黑松露嘅香味好夠，湯有口感，明題係新鮮用面團煮出嚟甜品方面，佢有廿款左右，有各式蛋糕、果撻、朱古力噴泉已經係基本，仲有馬卡龍、雪糕係movenpick飲品都好多選擇，有雜果賓治、果汁、咖啡等等，加$60有酒飲，有香檳同紅白