影片
更多
2018-01-22
154 瀏覽
平時都算少去荔枝角，覺得係工業區，上班族先會出出入入既地方，但今日係朋友介紹下，就係間工廠大廈入面，試左呢間西餐廳，整體來說都唔錯！店面走浪漫路線，每張枱都有放蠟燭，頭頂上燈光就唔算太明亮，主要都係靠燭光照明。枱與枱之間幾寬敞，唔怕傾計比格離聽到哂，哈哈！枱面簡潔，冇花巧。因為我地得兩個人，就點左個二人套餐。「提綱挈領」頭盤係白酒煮蜆，每隻蜆都好大隻，唔只係個殼大，而係蜆肉都大大粒。酒味濃，如果單單飲啖湯頭既話，會有小小嗆喉既感覺。面頭既火箭菜作伴碟，幾翠綠，但味道偏淡苦。我覺得整體來說，主角蜆係做到領導角色，但其他既配角似乎起唔到烘托效果。「風馳電掣」餐湯係南瓜湯，食到啖啖南瓜顆粒，真材實料，唔係用粉溝水果啲。一上枱就比我兩三下手勢飲哂，哈哈！味道係走清新路線，冇太多加工調味，保留到南瓜本身既香，呢個係值得一讚既！另外，湯包既伴汁應該係義大利黑醋加橄欖油，就我而言，橄欖油既比例應可再作調整，因為蘸左五次，有四次都只係蘸到橄欖油，冇黑醋味，感覺硬係差咁啲。不過，湯包係軟熟既，而且暖乎乎，好易入口，呢點值得欣賞。「畫蛇添足」最後係帶子墨汁意粉，意粉唔係走軟身風格，中間部分偏硬。帶子就恰恰
店面走浪漫路線，每張枱都有放蠟燭，頭頂上燈光就唔算太明亮，主要都係靠燭光照明。枱與枱之間幾寬敞，唔怕傾計比格離聽到哂，哈哈！
枱面簡潔，冇花巧。
因為我地得兩個人，就點左個二人套餐。
「提綱挈領」
頭盤係白酒煮蜆，每隻蜆都好大隻，唔只係個殼大，而係蜆肉都大大粒。酒味濃，如果單單飲啖湯頭既話，會有小小嗆喉既感覺。面頭既火箭菜作伴碟，幾翠綠，但味道偏淡苦。我覺得整體來說，主角蜆係做到領導角色，但其他既配角似乎起唔到烘托效果。
「風馳電掣」
餐湯係南瓜湯，食到啖啖南瓜顆粒，真材實料，唔係用粉溝水果啲。一上枱就比我兩三下手勢飲哂，哈哈！味道係走清新路線，冇太多加工調味，保留到南瓜本身既香，呢個係值得一讚既！另外，湯包既伴汁應該係義大利黑醋加橄欖油，就我而言，橄欖油既比例應可再作調整，因為蘸左五次，有四次都只係蘸到橄欖油，冇黑醋味，感覺硬係差咁啲。不過，湯包係軟熟既，而且暖乎乎，好易入口，呢點值得欣賞。
「畫蛇添足」
最後係帶子墨汁意粉，意粉唔係走軟身風格，中間部分偏硬。帶子就恰恰相反，煮得岩岩好，輕輕煎封左個表面就上碟，完全做到外脆內軟既效果，食得到大廚既心機。但意粉去到差不多食完果陣，就見到碟有唔少油，我懷疑係上碟前，再澆左一圈橄欖油，我覺得如果係擔心意粉入口太乾，倒不如用淨低既墨汁整個汁，加少少上面，成個感覺會更佳。友人食到中段有叫我睇睇個伴碟，唔講都唔知，原來碟邊既裝飾係仿畫既墨魚，仔細睇又幾逼真，呢點係令我幾驚喜既。
張貼
