真鮨 (已結業)

難得放假梗係約個fd晏晝出去行吓街，行完都差唔多六點又係時間醫下個肚，因為真係有d攰咪諗住求其係附近食個飯算，行行下見到有間日本野有d似居酒屋咪諗住試下橫掂又未食過，一入到門口侍應就好快咁安排左座位比我地，可能見我地拎得多野，竟然安排左張4人枱比我地，方便我地擺嘢，之後睇左陣menu，真係花多眼亂唔知食咩好，正當頭痛緊食咩個陣，侍應拎住個牌行埋泥話今日有d日本空運原條刺身魚，問我地有無興趣試下，大部分都未食過，我就問有無推介，侍應就推介左條(池魚)比我地，咁我地就order一條試下啦，之後我地重叫左個壽司拼盤同幾串串燒同埋叫左支清酒，等左十五分鐘左右食物開始上枱，刺身魚擺盤真係一聲！睇得岀廚師有返咁上下刀功，侍應重話食完刺身魚頭同魚骨會拎去煲湯，魚片切出嚟薄得泥又有口感，點埋個酸汁食真係一絕。壽司方面食得岀都幾新鮮，同時壽司飯既温度亦都岩岩好，串燒就好香口，特別係個牛舌心同雞皮，送酒簡直一流，全晚我地都好滿意，估唔到食物都幾有水準，服務方便店員都做得唔錯，特別係斟茶速度快，見我地飲完就斟