CK Legend (已結業)

呢日同媽子黎呢度食飯，睇下呢度同甜甜咖啡有乜分別。入到去，都唔算太多人既。坐就一定好坐過甜甜，唔知野食得唔得呢？忌廉湯我覺得太稠啦，雖然野菌味好重。不過呢隻忌廉湯並唔係我杯茶，我覺得呢隻唔係太好飲。反而跟湯既蒜蓉多士就唔錯啦，蒜蓉味重之外仲好脆口。雞脾扒配黑椒汁個雞肉都唔鞋口，呢個係好基本既。我覺得都唔錯啦。不過個黑椒汁就有失色啦，味道唔太濃之外，同個主菜唔太夾。我真係有失望。龍柳配蕃茄汁呢個就不過不失，個龍柳煎得好香。個魚肉都幾好味，但我覺得配蕃茄汁就唔太夾啦。個味道好似爭咁。凍咖啡食完飯，飲杯凍咖啡。好濃既咖啡味，飲完真係好醒神，可算係呢餐最好既。仲有無下次，除非我傻左啦。野食都係甜甜好食同認真好多，不過食甜甜就要預多小小時間。因為有時真係整好耐野食架。