影片
更多
2009-04-28
12 瀏覽
今日同哥哥一家三口共四人唻呢度食晚飯，因為嫂嫂先前唻過話好抵食，所以今次唻元朗順便唻呢度食多次。但原來星期一至四晚七點前，或假日六點前有特價，所以佢上次就好抵食，今次我哋星期日成六點幾先唻到，所以要以正價埋單啦。一場唻到都照食啦！我哋要咗一個細刺身併盤($98)、一個牛肉烏東鍋($45)、一個雪蟹肉蟹子沙律($48)、四件鰻魚壽司($22/2件)、二件海膽壽司、一份軟殼蟹加洲卷(六件) 同 二件不知名魚壽司 (哥哥點的，所以我唔知係咩魚)蟹子沙律果然好大份，四個人食才吃得下 ，但雪蟹肉的味好淡，食咗都唔多覺。雖然話蟹肉的味本該如此，唔關廚藝事，但我建議省下$20，要普通的蟹子沙律($28)好了。牛肉烏東鍋都好足料，牛肉亦有好濃的牛味，本來是很美味的，但個湯底太鹹，好似豉油一樣鹹。幸好是一個鍋四人分，若果一個人食晒，唔知會唔會鹹到食唔落。不過我去東京食過啲拉麵，佢哋啲湯底又真係整到好濃，唔知呢個湯係一時失手先咁鹹，還是依正宗的日式鼓油湯底去煮先咁鹹？因為漏單，所以要最早食的刺食等到最後先上枱，$98有25件刺身係好平，但我哋一致認為刺身唔靚，唔新鮮。雖說一分錢一分貨，但下次唻都唔會再叫刺
一場唻到都照食啦！我哋要咗一個細刺身併盤($98)、一個牛肉烏東鍋($45)、一個雪蟹肉蟹子沙律($48)、四件鰻魚壽司($22/2件)、二件海膽壽司、一份軟殼蟹加洲卷(六件) 同 二件不知名魚壽司 (哥哥點的，所以我唔知係咩魚)
蟹子沙律果然好大份，四個人食才吃得下 ，但雪蟹肉的味好淡，食咗都唔多覺。雖然話蟹肉的味本該如此，唔關廚藝事，但我建議省下$20，要普通的蟹子沙律($28)好了。
牛肉烏東鍋都好足料，牛肉亦有好濃的牛味，本來是很美味的，但個湯底太鹹，好似豉油一樣鹹。幸好是一個鍋四人分，若果一個人食晒，唔知會唔會鹹到食唔落。不過我去東京食過啲拉麵，佢哋啲湯底又真係整到好濃，唔知呢個湯係一時失手先咁鹹，還是依正宗的日式鼓油湯底去煮先咁鹹？
因為漏單，所以要最早食的刺食等到最後先上枱，$98有25件刺身係好平，但我哋一致認為刺身唔靚，唔新鮮。雖說一分錢一分貨，但下次唻都唔會再叫刺身咧。
但我哋見到其他枱叫咗啲炸物，賣相好似唔錯，但一來今次有小朋友唔方便叫熱氣野，二來我哋都食飽啦，所以都無加單要炸物，但有機會再唻的話會試吓。
雖然因為有期望所以有少少失望，但整體唻講都幾好，可能我哋好彩遇到個好好笑容又招呼一流既姐姐 (我見其他待應表現一般, 但都算勤快)。若果想平靚正而又對刺身無乜鍾愛 (好似我咁)，呢間舖係不錯的選擇，但唔值得特登坐車入唻元朗食。
張貼
