影片
更多
2017-05-17
114 瀏覽
今晚同朋友黎呢度食泰國菜，食物質素幾高，環境仲幾靚🇨🇷😝 特別推介比情侶呀💕佢都有啲特別大既卡位 一大班朋友黎都唔洗驚！燈光光暗岩岩好 座位舒適 👍🏼 唔會同其他枱既人痴埋一齊 私隱度十足😋 講吓啲野食啦🤤🤤💕冬蔭功(鮮蝦、海鮮、蔬菜)$98/2位 $188/4位呢個冬蔭功係我食過咁多間泰國菜最鍾意既一間😍😍超好味！必叫呀🤣 我地叫左個2人份量，每人大概飲到2碗多啲🤤 份量都幾多👍🏼 有兩隻大蝦🦐都已經開邊😜爽滑彈牙，加埋個湯，非常惹味😚 充滿冬蔭公香料既味道，莞茜、香茅、辣椒、香葉等等既味道都好出，仲有好多索曬味既菇，正！😝串燒沙嗲🍡(6件) (雞豬牛各2) $88小食方面，我地就叫左串燒🍢 每樣各2串就可以咩都試到啲😋 串燒燒得好香，配埋濃濃既沙嗲醬，好味！😜要記住趁熱食呀，有二串擺耐左，食落就會冇咁好味😢泰式鹹魚炒椰菜苗🌱 $78鹹魚切粒，夾喺菜苗中間，每一口都食到鹹魚粒🐠😙充滿鹹魚香，但菜苗就略為有少少油紅咖喱🥘(豬、牛、雞) $98小 $138大外加一碗飯 $15我地兩個人叫左小size，揀左豬🐷另一個必點菜🤤比幾多碗飯都可以食得曬🤣 咖喱方面，辣度算係微辣😙配料份量十足，有
今晚同朋友黎呢度食泰國菜，食物質素幾高，環境仲幾靚🇨🇷😝 特別推介比情侶呀💕佢都有啲特別大既卡位 一大班朋友黎都唔洗驚！
燈光光暗岩岩好 座位舒適 👍🏼 唔會同其他枱既人痴埋一齊 私隱度十足😋
講吓啲野食啦🤤🤤💕
冬蔭功(鮮蝦、海鮮、蔬菜)$98/2位 $188/4位
呢個冬蔭功係我食過咁多間泰國菜最鍾意既一間😍😍超好味！必叫呀🤣 我地叫左個2人份量，每人大概飲到2碗多啲🤤 份量都幾多👍🏼 有兩隻大蝦🦐都已經開邊😜爽滑彈牙，加埋個湯，非常惹味😚 充滿冬蔭公香料既味道，莞茜、香茅、辣椒、香葉等等既味道都好出，仲有好多索曬味既菇，正！😝
串燒沙嗲🍡(6件) (雞豬牛各2) $88
小食方面，我地就叫左串燒🍢 每樣各2串就可以咩都試到啲😋 串燒燒得好香，配埋濃濃既沙嗲醬，好味！😜要記住趁熱食呀，有二串擺耐左，食落就會冇咁好味😢
泰式鹹魚炒椰菜苗🌱 $78
鹹魚切粒，夾喺菜苗中間，每一口都食到鹹魚粒🐠😙充滿鹹魚香，但菜苗就略為有少少油
紅咖喱🥘(豬、牛、雞) $98小 $138大
外加一碗飯 $15
我地兩個人叫左小size，揀左豬🐷另一個必點菜🤤比幾多碗飯都可以食得曬🤣 咖喱方面，辣度算係微辣😙配料份量十足，有菠蘿、蕃茄同埋唔同既香料，好惹味💕 另外，豬肉好好味！平時配咖喱既豬肉都會好乾，但呢度既豬充滿肉汁，索曬咖喱既味道，正呀😝😝
泰式炒金邊粉 $88🇨🇷
最後不得不提既就係金邊粉，用料十分大方🙈有蝦，蛋，芽菜，香茅等等😋另外，可按個人口味撈埋側邊既花生碎同青檸汁！金邊粉炒得岩岩好，夠乾身，味道酸酸甜甜，如果再辣多少少會更好😜
整體黎講，食物水準幾高😋貼近泰國既味道，服務亦唔錯😁上碟速度快，環境舒適
唯一希望改善既係空調既温度，可能坐正風口位，餸菜變冷既速度快過我地食既速度🙈或者下次要求調一調位先！會再黎呀🤤🇨🇷
張貼
