開心小敘

元朗有幾間餐廳都好出名食豬扒飯，開心小敍係其中一間，亦係我最鍾意嘅一間～之前只有一間舖，星期六、日成日都好多人等要等好耐，宜家喺隔離開多間舖就好好多了！
.
.
我每次嚟都必定會叫豬扒雙蛋飯 $40
佢嘅豬扒好大塊，煎得好香，肉質好淋好嫩，試過咁多隻汁都係配豉油最好食，我覺得夠晒味，但見好多食客都叫店員俾支豉油佢地自己落，好重口味，煎太陽蛋好正架，啲蛋汁撈埋豉油再撈飯食，好啱味！唯一美中不足係唔知點解啲飯成日都偏硬，可能係因為咁所以其他人要落豉油整濕啲掛，哈哈！