和幸日本燒肉料理 (已結業)

之前睇雜誌，知道和幸做緊一個sepcial promotion："您想"午餐，其實係一個無底價和牛燒肉的午餐。午餐原價$88，但和幸效法英國餐廳，你認為值幾多就比幾多錢。見到有咁特別的餐廳於是﹐就同男朋友上左去試下啦!個lunch set好豐富，有黑松露醬立魚薄切，酸汁野菜沙律，特上燒肉盛皿(燒汁黑毛和牛肋骨肉，東子伊達赤豚，麵豉雞腿肉)，黑魚籽茶碗蒸蛋，麵豉湯，白飯和甜品。話明係燒肉lunch set，當然會focus去燒肉度啦~d肉全部都好好食同好入味，而且燒耐d都唔會變鞋!!我自己就比較鍾意個雞，因為真係好滑~另外，立魚薄切亦唔錯，冇鯹味仲好鮮甜添~值得一讚的係，waiter好好人。佢會好細心咁介紹應該點燒d肉先最好，而且會主動同客溝通，服務態度值得大大讚賞!!!有興趣的朋友不防試試!供應時間分12pm-1pm同1pm至2pm，每個時段限50位。建議有心有時間的人食12pm-1pm，因為1pm會比較多人...如果特登去食而食唔到就可惜lu!!