越北牛肉粉專門店

營業中

休息中

本身都好鍾意食越南野， 听講越南同越北口味唔一樣， 就試下有咩特別。佢本身個午餐價錢都ok, 唔算貴， 仲可以加錢叫點小食， 選擇都几多。野食方面， 都好一般， 我地叫左香矛豬扒金邊粉同炸蝦餅。一般食湯河都會飲啖湯， 呢間個湯淡淡地， 鮮味同香料味都冇咩， 麻麻地。金邊粉太碎， 用筷子都夾唔晒， 要用匙羹幫手先食到， 味道又一般。豬扒方面， 香矛味夠， 有少少甜甜地，但肉的質地較硬， 唔夠juice 。到蝦餅， 味道同質地都正正常常， 冇咩特別， 只係細塊左點lo 。總括來講， 試過一次就夠， 冇回頭的衝動。