亞之媽韓國美食 (已結業)

今日本來想去"肚餓韓國人"返炒佢o既韓食﹐行行下街﹐見到呢間﹐見未試過就試試。坐低後﹐已經覺得D呀之媽(太太)態度好麻麻﹐所以印象已經唔係咁好。今晚點左個X川飯 + 牛仔骨 + 泡菜湯前菜有泡菜﹐波菜同薯仔﹐三碟前菜﹐奇怪地......無味﹐求其之作。之後到主餐﹐首先個飯﹐佢地無啦啦拎左個石窩飯黎﹐眼見D呀之媽態度咁﹐以為佢落錯單﹐算數。點知過左幾分鐘﹐當我撈近D醬時﹐就無啦啦係我手上一聲唔出就拎走左個飯﹐之後佢地自己人係後面話拎錯左﹐我話﹐算啦﹐唔洗你地咁煩換過。講返個飯...無味道﹐真係一D味道都無﹐所以評價真係好低之後個骨﹐味道好濃好入味﹐甚至有D偏咸﹐都過得去啦...最後泡菜湯﹐入口時我以為自己飲緊酸辣湯﹐泡菜可以做到咁o既味道﹐我諗蔡瀾o既食餅有餅味都要行埋一邊﹐個感覺完全真係唔似泡菜湯。我對味精o既敏感都算OK﹐但我食完之後大概十五分鐘後極度口乾﹐師傅﹐好似重手左嗎?最後一提﹐價錢﹐服務﹐同味道我覺得完全係差過"肚餓韓國人"﹐我唔係賣廣告﹐ 不過對比環境底下﹐我完全覺得味道唔得﹐而收o既價錢完全唔值PS: 本來唔太想寫食評所以無影相﹐但因為覺得不吐不快﹐都要寫一下。