閨•家 (西九龍中心) (已結業)

我真係冇諗過喺西九龍廣場會搵到一間良心小店，完全冇加味精嘅食物又可以煮得咁好食，如果住喺附近真係會經常落嚟買外賣又好堂食又好都會幫襯多啲。見佢最出名嘅係老火湯，本身諗住嗌盅嘅，點知原來佢只要叫過晚飯餐就會跟個湯，所以最後都係叫咗好多晚飯餐。一眼就睇中個港式咖喱飯，今次叫咗魚，因為另外一個叫咗砂礓雞所以就冇叫咖喱雞。佢個咖喱超級非常極度濃郁，撈飯真係一流！魚係輕炸過嘅，都非常嫩，份量都剛剛好。砂礓雞係手撕雞嚟嘅，調味亦都相當恰到好處，砂礓嘅味道都非常突出，雞肉亦都好嫩滑，但係一定要配飯食，因為有少少喊。